මෙම වෙබ් පිටුවට වචන කිහිපයක් ලිවීමට ලැබීම මට මහත් සතුටක්, මෙම කීර්තිමත් පාසලේ ප්‍රධානියා ලෙස සේවය කිරීමට ලැබීම ගැන මට මහත් ගෞරවයක් දැනෙන අතර මගේ උණුසුම් සුබපැතුම් ICT ඒකකයට ප්‍රකාශ කිරීමට මෙය අවස්ථාවක් කර ගනිමි. මගේ අදහසට අනුව, පාසලක් යනු ගඩොල්, යන්ත්‍ර සහ කොන්ක්‍රීට් පමණක් නොව ජීවිත කාලය පුරාවටම පවතින චරිත පොහොසත් කරන සිත් ගොඩනැගීමයි. වත්මන් පරපුරේ ආකල්ප හා සාරධර්මවල දැඩි වෙනසක් ඇති කිරීම ඇත්තෙන්ම වෙහෙසකර කාර්යයකි.එහෙත් මගේ අධ්‍යයන කාර්ය මණ්ඩලයේ සහ දෙමාපියන්ගේ කැපවීම මත අපි සිසුන්ගේ යහපත් ගුණාංග සහ හැකියාවන් ඇති කරමින් ඔවුන්ගේ පෞරුෂය හැඩගස්වා ගැනීමට දැඩි උත්සාහයක් දරති.මගේ දයාබර දූ පුතුනි, අනාගතයේ අභියෝගවලට මුහුණ දෙමින් අපි අපගේ සාර්ථකත්වය කරා ගමන් කර සුමට ගමනක් යමු.  අප විද්‍යාලයේ කීර්තිය සෑම ක්‍ෂේත්‍රයකම පැතිරී යනු ඇතැයි මම බලාපොරොත්තු වන අතර ප්‍රාර්ථනා කරමි.